Nyhende

Vil du vere utstillar på den største julemarknaden i Sogn 20.11.21?

I 2019, siste året før pandemien kom over oss, arrangerte Foreninga Lærdalsmarknaden den største julemarknaden i Sogn nokon gong med over 40 utstillarar.
Marknadsgjester kunne då kjøpe varer som sikra førjulsstemninga og ikkje minst julegåver.

I tillegg til 40 bugnande boder arrangerte me «ta julefotoet på låven». Sceneområde var pynta med halm og julepynt. Her kunne ein sikre seg det gode julefotoet til årets julekort!

Det er sjeldan me får snø i november, men bålpannene sette ei lun og god stemning i marknadsområdet.
Lærdal kulturskule og Lærdal musikklag sytte for julesong og julemusikk annakvar time på Gamlebanktrappa.
Me er glade for at situasjonen tillet at me igjen kan invitere til julemarknad!

Meld deg på her

Det vert julemarknad på Gamle Lærdalsøyri 20.11.21

 

 

 

 

 

 

 

Tidlegare marknadsgeneral Arne Sanden har gått bort

Det var med stor sorg me nett fekk høyre at Arne tok si siste reis 15. juni 2021. Vår Arne i Marknadsnemndi, vår motivator og gode venn gjennom mange år.
Arne var den som la ned mykje entusiasme og frivillig arbeid med Lærdalsmarknaden dei aller fyrste åra. Du var viktig for marknaden, og marknaden var viktig for deg!
No kan me ikkje sjå fram til at du skal komme på marknadstur meir og det vert eit stort sakn.
Det var alltid kjekt og snakka med deg og me trur du var godt nøgd med marknaden «din».
Tusen takk, Arne, for alt me hadde saman desse åra i marknadsnemndi.
Våre tankar går til Sølvi og den nærmaste familie.

For Lærdalsmarknaden,
Astrid Grøndal Trulssen og Jon E Tamnes